Իսպանական Մալյորկա կղզու Պալմա քաղաքի օդանավակայանում ինքնաթիռի հրդեհի հետևանքով 18 մարդ թեթև վնասվածք է ստացել, նրանցից վեցը տեղափոխվել է երկու բժշկական կենտրոն, հայտնում է EFE-ն։

Հրդեհը բռնկվել է շաբաթ օրը՝ տեղական ժամանակով կեսգիշերին մոտ, Սոն-Սանտ-Խուան օդանավակայանի թռիչքուղու վրա գտնվող ինքնաթիռում։

Ահազանգը ստանալուց հետո դեպքի վայր են ուղարկվել արտակարգ ծառայությունների շտապօգնության չորս մեքենա։

Բժշկական անձնակազմը զննում է անցկացրել, որի արդյունքում 18 մարդ թեթև վնասվածքներ է ստացել։

Նրանցից երեքը տեղափոխվել է Ռոտգեր կլինիկա, ևս երեքը՝ Պալմապլանաս հիվանդանոց․ երկուսն էլ գտնվում են Պալմայում։