Քաթարի առաջարկում ՀԱՄԱՍ-ի կատարված փոփոխությունները մեզ են փոխանցվել երեկ երեկոյան և անընդունելի են Իսրայելի համար, հայտնում է Իսրայելի վարչապետի գրասենյակը։

«Իրավիճակի գնահատումից հետո Նեթանյահուն հանձնարարել է արձագանքել անուղղակի երկխոսության ձևաչափով բանակցությունների հրավերին և շարունակել շփումները մեր պատանդներին վերադարձնելու ուղղությամբ՝ հիմնվելով Քաթարի նախաձեռնության վրա, որն Իսրայելն արդեն ընդունել է։

Բանակցային խումբը Քաթարում հանդիպման համար կմեկնի կիրակի օրը»,- նշել են գրասենյակում։