Երկու մարդ զոհվել, եւս 27-ը փրկվել են շաբաթ օրը կեսօրից հետո Կենտրոնական Չինաստանի Հունան նահանգի Ցզիսին քաղաքի Դունցզյանհու լճում էքսկուրսիոն նավի խորտակման հետևանքով, հայտնել են տեղական իշխանությունները։

Որոնողափրկարարական աշխատանքներն ավարտվել են կիրակի օրվա երկրորդ կեսին, հաղորդում է «Սինհուա»-ն։

Վթարի հետևանքով միակ անհետ կորածը գտնվել է ժամը 14:40-ին, սակայն, ցավոք, առանց կյանքի նշանների։

Միջադեպը տեղի է ունեցել շաբաթ օրը, երբ 40 նստատեղի համար նախատեսված էքսկուրսիոն նավը շրջվել է վերոնշյալ լճում, ինչի հետևանքով 29 մարդ ընկել է ջուրը։

Միջադեպի պահին ողբերգության վայրում գրանցվել է քամու հանկարծակի պոռթկում, որի արագությունը հասել է վայրկյանում 30 մետրի։