Գյուղատնտեսության նախարարությունը չի նախատեսում հատուկ արգելել Ադրբեջանից լոլիկի ներմուծումը, այդ հարցը կկարգավորի հենց շուկան։ Այս մասին ասել է գյուղատնտեսության նախարար Օքսանա Լուտը, հաղորդում է «Российская газета»-ն։

Ըստ նրա, Ռուսաստանում լոլիկի և վարունգի շուկան բավականին հավասարակշռված է։ Այն շատ փոփոխական է՝ կախված սեզոնից։ Օրինակ, ամռանը սեփական լոլիկը շատ է, լոլիկ և վարունգ աճեցնում են նաև անձնական օժանդակ տնտեսությունները։

«Եթե բավարար արտադրանք ունենանք, ապա շուկան պարզապես չի գնի (արտերկրից - խմբ․)։ Եթե բավարար չլինի, ապա Ադրբեջանի և Ուզբեկստանի մեր բարեկամները մեզ կօգնեն»,- ասել է նախարարը։