Ուկրաինայի նախագահ Վլադիմիր Զելենսկին հայտարարել է Ռուսաստանի դեմ պատժամիջոցների նոր փաթեթի ստորագրման մասին։ Ըստ նրա, այն տարբերվում է նախորդներից՝  «առանձնահատուկ» լինելով, հաղորդում է УНИАН-ը։

«Սրանք առանձնահատուկ պատժամիջոցներ են, որոնք հարվածում են բազմաթիվ ռուսաստանյան ֆինանսական սխեմաների, մասնավորապես՝ կրիպտոարժութայինների։ Պատժամիջոցները սահմանվել են Ուկրաինայի Ազգային բանկի առաջարկությամբ», - հայտարարել է նա։ Այս պատժամիջոցների փաթեթը համաձայնեցված է Ուկրաինայի գործընկերների հետ։

Ըստ Զելենսկու, միայն մեկ ընկերության միջոցով, որն արդեն այս պատժամիջոցների ցուցակում է, Ռուսաստանը կարողացել է միլիարդավոր դոլարներ փոխանցել՝ հիմնականում ռազմական և արդյունաբերական կարիքների համար։

«Իհարկե, բոլոր սխեմաները կկանգնեցնենք։ Այժմ, երբ Ռուսաստանի համար սովորական դարձած ֆինանսական ուղիները շատ տեղերում արգելափակված են, նրանք անցնում են նաև կրիպտոարժութային հաշվարկների», - ընդգծել է Զելենսկին։