ԱՄՆ նախագահ Դոնալդ Թրամփը մեծացրել է ճնշումը Ամերիկայի երկու հիմնական առևտրային գործընկերների՝ Ճապոնիայի և Հարավային Կորեայի վրա՝ այդ երկրների ղեկավարներին նամակներ ուղարկելով, որոնցում նրանց տեղեկացնում են նոր մաքսատուրքերի մասին։

Ըստ CNN-ի՝ Թրամփը հայտարարել է, թե չի բացառում, որ երկրներին ավելի շատ ժամանակ տա համաձայնագրերի շուրջ բանակցելու համար։ Օգոստոսի 1-ից երկու երկրներն էլ կբախվեն 25%-անոց մաքսատուրքի։

Նա հավելել է, որ հատկապես մտահոգված է երկու երկրների հետ ԱՄՆ-ի առևտրային դեֆիցիտի համար։ Թրամփը նշել է նաև, որ մաքսատուրքերը կլինեն ի պատասխան այլ միջոցառումների, որոնք, ըստ նրա, խոչընդոտում են ամերիկյան ապրանքների արտասահմանյան վաճառքը։

Թրամփը երկու երկրներին էլ կոչ է արել ապրանքներ արտադրել Միացյալ Նահանգներում՝ մաքսատուրքերից խուսափելու համար։

Նա միաժամանակ սպառնացել է մեծացնել մաքսատուրքերը 25%-ից բարձր, եթե Հարավային Կորեան կամ Ճապոնիան պատասխանեն ԱՄՆ գործողություններին՝ սահմանելով իրենց սեփական մաքսատուրքերը։