Թերթը գրում է, որ ըստ պտտվող լուրերի` օրերս պատգամավորի` համարյա թե «մշտական տոմս» ունեցող Լեւոն Սարգսյանը` հանրահռչակ Ալրաղացի Լյովը, իր շրջապատում սրտանց ասել է. «Ախպերներ ջան, ես ոչ մեծամասնականով եմ ուզում պատգամավոր դառնալ, ոչ էլ էն ի՞նչ են ասում` էն միասնական ա, համամիասնական ա, էդ ցուցակով: Ավելի լավ է, մեր բիզնես գործերով զբաղվենք ու մեծ ախպերների օրինակին հետեւենք, քան թե գնանք ու անցավ գլուխներս ցավի տակ դնենք: Մեր փոխարեն ավելի լավ է Աժ մտնեն մարդիկ, ովքեր կարան մի կարգին օրենք գրեն»: «Թե ինչքանով էին իրականությանը մոտ այս խոսակցությունները, եւ արդյոք Լեւոն Սարգսյանն իրականում հոգնել է պատգամավորի ծանրաբեռնված ու հոգսաշատ աշխատանքից, մեկնաբանության համար դիմեցինք մեծարգո պատգամավորին, սակայն վերջինիս բջջային հեռախոսին պատասխանել է մի երիտասարդ ու փախենցել. «Պրն. Սարգսյանը քաղաքում չի, մի 15 օրից զանգեք»,- գրում է «Իրավունք»-ը: