նախընտրելի դարձնել
Մեծ Բրիտանիան և Հնդկաստանը հինգշաբթի ազատ առևտրի համաձայնագիր են ստորագրել Հնդկաստանի վարչապետ Նարենդրա Մոդիի այցի ժամանակ: Համաձայնագիրը նախատեսում է տեքստիլից մինչև վիսկի և ավտոմեքենաներ ապրանքների վրա մաքսատուրքերի նվազեցում և բիզնեսներին շուկա մուտքի ավելի մեծ հնարավորությունների տրամադրում, հաղորդում է Reuters-ը։
Առևտրային համաձայնագրի բանակցություններն ավարտվել են մայիսին, քանի որ երկու կողմերն էլ ակտիվացրել էին ջանքերը՝ համաձայնության հասնելու համար ԱՄՆ նախագահ Դոնալդ Թրամփի սանձազերծած սակագնային ցնցումների հետնապատկերում։
Աշխարհի հինգերորդ և վեցերորդ խոշորագույն տնտեսությունների միջև կնքված գործարքը նպատակ ունի մինչև 2040 թվականը երկկողմ առևտուրը մեծացնել ևս 25,5 միլիարդ ֆունտ ստեռլինգով (34 միլիարդ ԱՄՆ դոլար)։ Դա Մեծ Բրիտանիայի խոշորագույն առևտրային գործարքն է 2020 թվականին Եվրամիությունից դուրս գալուց ի վեր, սակայն դրա ազդեցությունը շատ փոքր կլինի այն ազդեցության համեմատ, որ կունենա իր ամենամոտ առևտրային գործընկերոջ՝ ուղեծրից դուրս գալու դեպքում։
Սա Հնդկաստանի ամենամեծ ռազմավարական գործընկերությունն է զարգացած տնտեսության հետ և կարող է ԵՄ-ի հետ երկար քննարկվող համաձայնագրի և այլ տարածաշրջանների հետ բանակցությունների հիմք դառնալ։
Երկու կողմն էլ ողջունել է կարևորագույն համաձայնագիրը, որն ուժի մեջ կմտնի վավերացման գործընթացից հետո, հավանաբար, մեկ տարվա ընթացքում, որից հետո այնպիսի ընկերություններ, ինչպիսիք են վիսկի արտադրող Diageo-ն և ավտոմեքենա արտադրող BMW-ն, Nissan-ը, Aston Martin-ը և Tata-ին պատկանող Jaguar Land Rover-ը, կօգտվեն ավելի ցածր սակագներից։
