Չինաստանում վերջերս կատարված հնագիտական հայտնագործությունը լույս է սփռում մարդկության ամենատևական առասպելներից մեկի՝ անմահության որոնման վրա։ Սիչուան նահանգում հայտնաբերված քարե սալը պարունակում է Արևմտյան Հան դինաստիայի (մ.թ.ա. 206 - մ.թ. 9 դարեր) ժամանակաշրջանի հազվագյուտ արձանագրություններ, որոնցում հիշատակվում է «անմահության էլիքսիրը», գրում է South China Morning Post-ը։

Հետազոտողների կարծիքով՝ արձանագրությունները վկայում են կրոնական ծեսերի, ալքիմիայի և կայսերական իշխանության միջև սերտ կապի մասին։

Տողերից մեկում նշվում է տեղական կառավարիչների փորձերի մասին՝ գտնելու կամ ստեղծելու «աստվածային դեղամիջոց», որը կարող է հավերժական կյանք շնորհել. գաղափար, որը կենսունակ արձագանք գտավ դաոսականության փիլիսոփայության մեջ։

Սալաքարը, հավանաբար, ծառայել է որպես հուշահամալիրի մաս, որտեղ կատարվել են խորհրդավոր ծեսակարգեր։

Այդ արտեֆակտը հաստատում է, որ անմահության որոնումները պարզապես լեգենդ չէին. ավելի քան երկու հազար տարի առաջ այն Չինաստանի իրական քաղաքական և մշակութային օրակարգի մի մասն էր կազմում։

Ինչպես ընդգծում են գիտնականները, հայտնագործությունը ոչ միայն նոր պատուհան է բացում դեպի Հին Չինաստանի հոգևոր աշխարհը, այլև հիշեցնում է մեզ կյանքի սահմանները հաղթահարելու մարդու հավերժական ծարավը։