Կիրակի առավոտյան Չինաստանի հարավում գտնվող Գուանսի-Չժուանսի ինքնավար շրջանի Ուչժոու քաղաքի բնակելի շենքում բռնկված հրդեհի հետևանքով հինգ մարդ է զոհվել, հայտնում է «Սինհուան»։

Հրդեհը բռնկվել է Ուչժոու քաղաքի Լունսյու թաղամասի հինգհարկանի շենքի առաջին հարկում՝ տեղական ժամանակով մոտավորապես 08:30-ին, հայտնել է արտակարգ իրավիճակների կառավարման տեղական բյուրոն։

Ներկայումս հրդեհը մարվել է։ Ողբերգության պատճառները պարզվում են։