Նախընտրելի
ԱՄՆ նախագահի Ուկրաինայի հարցերով հատուկ ներկայացուցիչ Քիթ Քելոգը պլանավորում է այցելել Կիև։ Այս մասին հայտնում է ՌԲԿ-Ուկրաինա գործակալությունը՝ հղում անելով իր աղբյուրներին։
Նշվում է, որ Քելլոգի այցը նախատեսված է, սակայն հստակ ամսաթվեր դեռ չկան։
Իր հերթին, «Kyiv Post» հրատարակությունը, հղում անելով աղբյուրներին, նույնպես նշում է, որ հատուկ ներկայացուցչի այցը նախատեսված է առաջիկա օրերին։
Այս այցը, եթե այն տեղի ունենա, տեղի կունենա Մոսկվայում ԱՄՆ առաջնորդի հատուկ բանագնաց Սթիվեն Ուիթքոֆի այցի ֆոնին։ Ավելի վաղ ԱՄՆ նախագահ Դոնալդ Թրամփը հայտարարել է, որ Ուիթքոֆը կարող է մեկնել Ռուսաստան օգոստոսի 6-ին կամ 7-ին։ Այսօր ՌԴ նախագահի մամուլի քարտուղար Դմիտրի Պեսկովը հայտնել է, որ ՌԴ նախագահ Վլադիմիր Պուտինի հանդիպումը Ուիթքոֆի հետ չի բացառվում։
Թրամփը նշել է, որ կարող է օգոստոսի 9-ին պատժամիջոցներ կիրառել Ռուսաստանի նկատմամբ, եթե մինչ այդ պահը չհաջողվի հասնել ուկրաինական ճգնաժամի լուծմանը։
Քելլոգը վերջին անգամ Կիև է այցելել հուլիսի կեսերին։ Այցի ընթացքում նա հանդիպել է Վոլոդիմիր Զելենսկու, ինչպես նաև պաշտպանության նախարարի, Պաշտպանության նախարարության գլխավոր հետախուզական վարչության պետի և Ուկրաինայի զինված ուժերի գերագույն հրամանատարի հետ։
