նախընտրելի դարձնելԿովկասի մահմեդականների վարչության ղեկավար Ալահշուքյուր Փաշազադեն թույլ չի տալիս Ադրբեջանի տուրիստական կազմակերպություններին Մեքքա ուխտագնացություններ (Հաջջ) կազմակերպել: Նման հայտարարությամբ է հանդես եկել «Պրիզիդենտ» ադրբեջանական տուրիստական ընկերության ղեկավար Էքբար Շահմարովը: Այդ մասին հաղորդում է «Պոլիգոն» գործակալությունը:
Շահմավորի խոսքով, Կովկասի մահմեդականների վարչությունն արդեն մի քանի տարի է, ինչ թույլ չի տալիս իրենց ուխտագնացություններ կազմակերպել Մեքքա, քանի որ Հաջջը դարձրել է իր բիզնեսային մոնոպոլիան:
«Եթե թույլ տան, որ տուրիստական ընկերությունները զբաղվեն այդ հարցով, ապա մարդիկ ավելի քիչ գումարով կկարողանան ուխտագնացություն կատարել Մեքքա: Մինչդեռ Փաշազադեն յուրաքանչյուր Հաջջից 5000 մանաթի (ավելի քան 6000 դոլարի) եկամուտ է ստանում»,-հայտարարել է տուրիստական ընկերության նախագահը:
Աղբյուրը նաեւ հայտնում է, որ այդ ընկերությունների դժգոհությունը կարող է լավագույնս օգտագործվել շեյխի հակառակորդների կողմից, ովքեր համար պահի են սպասում նրան ֆինանսական հզորությունը թուլացնելու համար, քանի որ Փաշազադեն իր բիզնեսային գործունեության շնորհիվ տարեկան միլիոնավոր դոլարներ է աշխատում:
