Ցուցարարները կոտրել են նախագահական նստավայրի դարպասները։ Միջադեպի վայրում բախում  է տեղի ունեցել, տեղեկացնում է «Грузия Online»-ը։

Մի խումբ տղամարդիկ կոտրել են ցանկապատը եւ հարձակվել բակում տեղակայված մի քանի պարեկների վրա: Շուտով բնակարանից դուրս են եկել հատուկ նշանակության ջոկատի ոստիկանները եւ հարյուրավոր պարեկներ: Նրանք արցունքաբեր գազ են կիրառել ցուցարարների դեմ եւ ձերբակալություններ կատարել:

Դրան նախորդել էր Միասնական ազգային շարժման անդամ Մուրթազ Զոդելավայի դիմումն ամբոխին:

«Բարեկամներ, Վրաստանի ժողովուրդը վերադարձրել է իր իշխանությունը։ Նախ՝ ես ուզում եմ դիմել ուժային կառույցների աշխատակիցներին, այսպես կոչված անվտանգության ուժերին, այսպես կոչված՝ ՀՀԴ-ին [հատուկ նշանակության դեպարտամենտ] եւ այլոց։ Դուք կանգնած եք կոնկրետ ընտրության առաջ. դուք պետք է ընտրեք՝ կամ Վրաստանի ժողովուրդը, կամ Իվանիշվիլուն ծառայելը։ Այսօր ամբողջ ազգը կլինի այստեղ, բայց տղամարդկանց ուժը կսկսի գործել այսօր։ Ես խնդրում եմ բոլորին [շարժվել] դեպի Բարաթաշվիլու այգի, միայն տղամարդկանց ուժը։ Մենք հավաքվում ենք այնտեղ եւ սկսում ենք գործել, որպեսզի Վրաստանի ժողովուրդը կարողանա վերականգնել իր իշխանության կենտրոնները։ Ցանկացած ոստիկան կամ հատուկ նշանակության դեպարտամենտի աշխատակից, որը կհանդիպի մեզ այնտեղ, մենք կտանք մեկ հարց. ո՞ւմ կողմից եք դուք։ Ժողովրդի՞, Սահմանադրության՞, թե՞ Իվանիշվիլու։ Ո՞ւմ կողմից եք դուք։ Հայրենիքի՞, թե՞ ռուսների՞։ Մենք միայն նրանց կհամարենք, ովքեր ճիշտ կպատասխանեն այս հարցին, անվտանգության աշխատակիցներ եւ ոստիկաններ։ Որ նրանք ծառայեն Վրաստանի ժողովրդին, վրացական պետությանը։ Սրանք մեր կոնկրետ պահանջներն են։

Վերջ դատարկ խոսակցություններին ակացիաների ժամանակ, վերջ տատանումներին, վերջ Բիձինայի ստրկությանը։ Ես խնդրում եմ բոլոր տղամարդկանց տեղափոխվել, կանայք, դուք պետք է մնաք այստեղ, մի՛ ցրվեք։ Թբիլիսի, Վրաստան, դուրս եկեք։ Տղամարդկանց ուժ։ Մենք կհավաքվենք Բարաթաշվիլու այգու հետեւում եւ կընդունենք նախագահական պալատի բանալիները։

Սա մեր առաջին քայլն է, դրան կհետեւեն մյուսները։ Ես դիմում եմ անվտանգության աշխատակիցների ծնողներին եւ հարազատներին։ Դուք ժամանակ ունեք զանգահարելու, գալու եւ նրանց տուն տանելու։ Պաշտպանեք ձեր երեխաներին ժողովրդի զայրույթից։ Նրանք նույնպես վրացիներ են, նրանք պետք է հնարավորություն ունենան վերադառնալու իրենց ընտանիքներ։ Որովհետեւ 13 տարի վրաց ժողովուրդը նման հնարավորություն չի ունեցել։ Բայց մենք այն կրկին կստանանք։ <...> Այստեղ ոչ ոք չի վախենում։ Բիձի՛նա, քո ժամանակը վերջացել է։