Նախընտրելի
Միացյալ Նահանգները կարող է Ուկրաինային հատկացնել 20-ից 50 «Tomahawk» հրթիռ, սակայն այդ քանակությունը բավարար չի լինի հակամարտությունում ռազմավարական փոփոխություններ իրականացնելու համար։ Այսպիսի կարծիք է հայտնել CNAS (Center for a New American Security) վերլուծական կենտրոնի պաշտպանական հետազոտությունների ծրագրի տնօրեն Սթեյսի Փեթիջոնը, գրում է Financial Times (FT) թերթը։
«Վաշինգտոնը կարող էր Ուկրաինային մոտավորապես 20-ից 50 «Tomahawk» տրամադրել, ինչը որևէ էական փոփոխություն չի մտցնի մարտական գործողությունների դինամիկայի մեջ», - ենթադրել է փորձագետը։
Հոկտեմբերի 6-ին ԱՄՆ առաջնորդ Դոնալդ Թրամփը հայտնել էր, որ փաստացի որոշում է կայացրել ուկրաինական կողմին «Tomahawk» հրթիռներ տրամադրելու հնարավորության մասին, սակայն չէր պարզաբանել, թե այն ինչում է կայանում։
Ռուսաստանի նախագահ Վլադիմիր Պուտինը նշել է, որ «Տոմահավկերի» կիրառումը առանց ամերիկացի զինվորականների անմիջական մասնակցության անհնար է և զգուշացրել է, որ «դա կնշանակի սրման բոլորովին նոր, որակապես նոր փուլ, այդ թվում՝ Ռուսաստանի և Միացյալ Նահանգների միջև հարաբերություններում»։
