Ֆրանսիայի նախագահ Էմանուել Մակրոնը խոստացել է, որ Լուվրից գողացված թանկարժեք իրերը կգտնվեն։

«Լուվրում կատարված գողությունը ոտնձգություն է այն ժառանգության նկատմամբ, որը մենք գնահատում ենք, քանի որ այն մեր պատմությունն է։

Մենք կվերադարձնենք այդ ստեղծագործությունները, իսկ մեղավորները կենթարկվեն պատասխանատվության։ Դրա համար ամենուր ձեռնարկվում են բոլոր միջոցները՝ Փարիզի դատախազության ղեկավարությամբ։

«Լուվրի նոր վերածնունդ» նախագիծը, որը մենք գործարկեցինք հունվարին, նախատեսում է անվտանգության միջոցառումների ուժեղացում։ Այն կլինի այն ամենի պահպանման և պաշտպանության երաշխիքը, ինչը կազմում է մեր հիշողությունն ու մեր մշակույթը», - գրել է նա X սոցիալական ցանցում։

Հիշեցնենք, որ այսօր անհայտ անձինք սկուտերով հանդուգն հարձակում են գործել Փարիզի Լուվրի թանգարանի վրա։ ԶԼՄ-ների հաղորդագրությունների համաձայն, նրանք գողացել են, ենթադրաբար, Նապոլեոն III-ի և նրա կնոջ՝ կայսրուհի Եվգենիայի թանկարժեք իրերը։