նախընտրելի դարձնել
ՀՀ կառավարությունը կսկսի մասնավոր ընկերություններին պատվիրել վտանգավոր արդյունաբերական օբյեկտների ստուգումներ: Գործող օրենսդրության համապատասխան փոփոխություններն ընդունվել են երկրորդ եւ վերջնական ընթերցմամբ՝ Ազգային ժողովի հոկտեմբերի 24-ի նիստում:
Փոփոխությունները վերաբերում են «Տեխնիկական անվտանգության պետական կարգավորման մասին» օրենքին:
Ներկայում վտանգավոր արդյունաբերական եւ սպասարկման օբյեկտների ստուգումներն իրականացնում է Տեխնիկական կարգավորման ազգային կենտրոնը, որը ներքին գործերի նախարարության ենթակայության տակ գտնվող պետական ոչ առեւտրային կազմակերպություն է: Սակայն, նախարարության եզրակացությունների համաձայն, Հայաստանում ներկայում գործում է ավելի քան 10 մասնավոր ընկերություն, որոնցից մի քանիսը ստացել են միջազգային հավատարմագրում եւ լիովին կարող են անցկացնել նման ստուգումներ: Ավելին, դրանք ոչնչով չեն զիջում նախկինում նշված կազմակերպությանը:
Ներքին գործերի նախարարությունը համոզված է, որ այս որոշումը կբարձրացնի մրցակցությունը:
