նախընտրելի դարձնել
Այսօր՝ Վաշինգտոնի ժամանակով 17:00-ին, ԱՄՆ Սենատը կքվեարկի պատերազմական լիազորությունների շուրջ բանաձևի վերաբերյալ, որն արգելում է ԱՄՆ ուժերի օգտագործումը Վենեսուելայի տրածքում կամ մարտական գործողություններն այդ երկրի դեմ, եթե Կոնգրեսի դա չի թույլատրել, հաղորդում է NBC News-ը։
Սենատին չի հաջողվել առաջընթաց գրանցել Կարիբյան ավազանում հարվածների վերաբերյալ նմանատիպ բանաձևի ընդունման հարցում։
Ավելի վաղ The Wall Street Journal-ը, վկյակոչելով աղբյուրներին, հայտնել էր, որ ԱՄՆ նախագահ Դոնալդ Թրամփը դեռևս վերջնական կարծիք չի ձևավորել Վենեսուելայի տարածքում հնարավոր ռազմական գործողության վերաբերյալ։
Ըստ աղբյուրների՝ Թրամփը վերջերս կասկածներ է հայտնել ԱՄՆ վարչակազմի բարձրաստիճան պաշտոնյաներին Վենեսուելայի նախագահ Նիկոլաս Մադուրոյին իշխանությունից հեռացնելու համար ուժի կիրառման վերաբերյալ։ Ընդսմին, պարբերականը նշում է, որ ԱՄՆ նախագահը շարունակում է իր օգնականներից հետաքրքրվել հնարավոր ռազմական գործողության տարբերակների մասին։
