նախընտրելի դարձնել
Հանրապետական կուսակցության կոնգրեսական Մարջորի Թեյլոր Գրինը շաբաթ օրը մեղադրել է ԱՄՆ նախագահ Դոնալդ Թրամփին՝ իր կյանքը վտանգի ենթարկելու մեջ՝ հայտարարելով, որ վերջինիս քննադատությունը համացանցում իր հասցեին սպառնալիքների ալիք է առաջացրել։
Գրինը, որը Թրամփի երկարամյա կողմնակիցն էր, իսկ վերջերս զբաղեցրել է նախագահի դիրքորոշմանը հակասող դիրք, ասել է, որ իր հետ կապ են հաստատել մասնավոր անվտանգության ընկերություններ՝ զգուշացնելով իր անվտանգության մասին։
«Ինձ ուղղված ագրեսիվ հռետորաբանությունը պատմականորեն հանգեցրել է սպանության սպառնալիքների և բազմաթիվ դատավճիռների այն տղամարդկանց նկատմամբ, որոնք ծայրահեղական ազդեցության տակ են հայտնվել հենց այնպիսի հռետորաբանությամբ, ինչպիսին հիմա ուղղված է ինձ, – X սոցիալական ցանցում գրել է Ջորջիա նահանգից ԱՄՆ Ներկայացուցիչների պալատի անդամ Գրինը,։ – Այս անգամ՝ Միացյալ Նահանգների նախագահի կողմից»։
Թրամփը խզել է կապը Գրինի հետ ուրբաթ երեկոյան՝ սոցիալական ցանցերում հրապարակելով հեգնական գրառում, որում նրան անվանել է «ցնորված» և «անհեթեթություններ հնչեցնող խելագար», որը բողոքել է, թե չի պատասխանում իր զանգերին։
Շաբաթ օրը նա շարունակել է քննադատությունը՝ սոցիալական ցանցերում հրապարակելով ևս երկու գրառում, որոնցում Գրինին անվանել է «թեթևակշիռ կոնգրեսական», «դավաճան» և «Հանրապետական կուսակցության խայտառակություն»։
Ուրբաթ օրը հրապարակված իր առաջին արձագանքում Գրինը մեղադրել է Թրամփին՝ իր մասին ստեր տարածելու և մյուս հանրապետականներին վախեցնելու փորձի մեջ՝ նախքան Ներկայացուցիչների պալատում հաջորդ շաբաթ նախատեսված քվեարկությունը՝ կապված սեռական հանցագործությունների համար դատապարտված ֆինանսիստ Ջեֆրի Էփշտեյնի հետ, որը 1990-ականներին և 2000-ականներին մտերիմ էր Թրամփի հետ, մինչև նրանց միջև վեճը։
Չորեքշաբթի Գրինը դարձել է Ներկայացուցիչների պալատի այն չորս հանրապետականներից մեկը, որոնք միացել են դեմոկրատներին՝ ստորագրելով պետիցիա՝ արդարադատության նախարարության տրամադրության տակ եղած Էփշտեյնի հետ կապված ամբողջական նյութերի հրապարակման վերաբերյալ քվեարկություն անցկացնելու պահանջով։
Թրամփը Էփշտեյնի շուրջ սկանդալը, որը մահացել է բանտախցում 2019 թվականին, անվանել է դեմոկրատների կողմից հրահրված միստիֆիկացիա, գրում է Reuters-ը։
