նախընտրելի դարձնել
Այս շաբաթ Պենտագոնը «Ջեներալ Դայնամիքս Էլեկտրիկ Բոութ» (General Dynamics Electric Boat) ընկերության հետ 2,28 միլիարդ դոլար արժողությամբ պայմանագիրէ կնքել՝ «Կոլումբիա» տիպի հինգ ռազմավարական սուզանավ-հրթիռակիրների նախնական գնումներն ու կառուցումն ապահովելու համար, հաղորդում է Naked Science-ը։ Սա սուզանավերի նոր սերունդ է, որը հաջորդ հիսուն տարիների ընթացքում պետք է լինի ԱՄՆ-ի ծովային բաղադրիչի վրա հիմնված միջուկային զսպման անկյունաքարը։
Աշխատանքները հիմնականում կիրականացվեն Electric Boat-ի Գրոտոն (Կոնեկտիկուտ) նահանգի նավաշինարանում, իսկ լրացուցիչ հարմարություններ և մատակարարներ կլինեն Ռոդ Այլենդում և Վիրջինիայում։
Նոր պայմանագիրը մասշտաբային, բազմամյա ծրագրի մի մասն է, որը թույլատրում է փոխարինել հնացող «Օհայո» դասի սուզանավերը, որոնք 1980-ականներից ի վեր կազմել են ամերիկյան միջուկային եռյակի ծովային բաղադրիչի հիմքը։
«Կոլումբիա» դասի սուզանավերը կլինեն ԱՄՆ ռազմածովային ուժերի համար երբևէ կառուցված ամենամեծը՝ 20,810 տոննա ջրատարողությամբ և 170 մետր ընդհանուր երկարությամբ։
Դրանք զինված կլինեն 16 Trident II (D5) բալիստիկ հրթիռներով, ինչպես նաև բարելավված սոնար համակարգով, որը հիմնված է Վիրջինիա դասի բազմաֆունկցիոնալ սուզանավերի համար նախատեսված մշակումների վրա։
