նախընտրելի դարձնել
Կովկասը տեղակայված է այնպես, որ երկու երթուղիներն էլ շահավետ են՝ Արևելքից Արևմուտք, Արևմուտքից Արևելք, Հյուսիսից Հարավ և Հարավից Հյուսիս։ Դրա մասին NEWS.am-ի թղթակցի հետ զրույցում հայտարարել է ռուսաստանցի էներգետիկ փորձագետ Բորիս Մարցինկևիչը։
«Եթե երթուղիները չխանգարեն միմյանց, դա միայն օգուտ կբերի թե՛ տարածաշրջանին, թե՛ ամբողջ Եվրասիային»,- նշել է նա՝ պատասխանելով TRIPP-ի («Թրամփի երթուղի») մասին հարցին։
«Այն փաստը, որ լոգիստիկ երթուղիները մրցակցում են, կարող է տհաճ լինել, բայց դա լիովին բնական է։ Քարավանային երթուղիները գոյություն ունեն ավելի երկար, քան երկրները։ Այնպես որ, մենք պետք է դրան հանգիստ վերաբերվենք»։
Միևնույն ժամանակ, քաղաքական ճնշում ենք տեսնում։ Հարցն այն է, թե ինչպես կարձագանքեն այն երկրները, որոնց միջով երթուղին կանցնի։ Այստեղ իրականում կա միայն երկու տարբերակ. կամ պետությունը ցանկանում է դրանից տնտեսական, կամ քաղաքական օգուտ ստանալ։ Սովորական դեպքերում արտաքին քաղաքական ճնշմանը ենթարկվելը դրական տնտեսական արդյունքների չի հանգեցնում։ Ավելի շուտ՝ ընդհակառակը։
Եթե տնտեսությունում ամեն ինչ կարգին է, պետությունները քաղաքական ասպարեզում իրենց ավելի վստահ են զգում»,- հավելել է Մարցինկևիչը։
Փորձագետը նշել է, որ, օրինակ, Միջին միջանցքի երթուղու զարգացումը մեծապես կախված է նրանից, թե որքան հանգիստ կմնա իրավիճակը Հարավային Կովկասում։
