Նախընտրելի
Մինսկում հունվարի 8-ին մրցանակաբաշխության արարողության ժամանակ Բելառուսի նախագահ Ալեքսանդր Լուկաշենկոն մեկնաբանել է Վենեսուելայի նախագահ Նիկոլաս Մադուրոյի առևանգումը ԱՄՆ հատուկ նշանակության ուժերի կողմից, հաղորդում է «Минская правда»-ն:
«Ես ուզում եմ՝ հասկանաք. այնտեղ ամեն ինչ եղել է։ և՛ պայմանավարվածություն, և՛ փող, որը վճարվել է, ներառյալ՝ Վենեսուելայում մարդկանց ։ Ե՛վ զինվորականներին, և՛ քաղաքացիական անձանց։ Այնտեղ եղել է դավադրություն և դավաճանություն։ Այնտեղ ամեն ինչ եղել է»,- հայտարարել է Բելառուսի նախագահը։
Լուկաշենկոն Վենեսուելայում ԱՄՆ գործողությունը կապել է «Դոնալդ Թրամփի կողմից զինվորականներին զիջման» հետ։
«Ինչ վերաբերում է Վենեսուելային։ Նրանք մեզ բարեկամ ժողովուրդ են, որը մի ժամանակ մեզ օգնության է հասել։ Եթե ինչ-որ մեկը մոռացել է, ես՝ ոչ։ Եվ որոշ չափով, լավ, նրանք չփրկեցին մեր երկիրը, բայց վճռականորեն աջակցեցին։ Չավեսի դարաշրջանում, երբ նրանք համատեղ աշխատում էին Նիկոլաս Մադուրոյի հետ։ Ես հաճախ էի այնտեղ և ճանաչում էի նրանց երկուսին էլ»,- նշել է նա։
«Մեկ օր առաջ ես ասացի, որ եթե դուք՝ ամերիկացիներդ, ցանկանում եք երկրորդ Վիետնամ, կստանաք այն։ Անկախ նրանից, թե ինչպես կզարգանա իրավիճակը, կարծում եմ՝ նրանք լսել են դա։ Եվ այն փաստը, որ նրանք հիմա սպառնում են Վենեսուելային ինչ-որ ցամաքային գործողությամբ, կարծում եմ՝ նրանք հիանալի հասկանում են, որ այս գործողությունը չի ավարտվի իրենց օգտին։ Հազարավոր մարդիկ արդեն կմահանան։ Եվ ամերիկացիներ։ Ըստ իս, ոչ Դոնալդը, ոչ էլ որևէ մեկը դա չի ցանկանում։ Բայց դուք պետք է հստակ հասկանաք. Ամերիկան շատ բարդ երկիր է։ Այն նման չէ մերին, նույնիսկ Ռուսաստանին կամ այլ երկրներին։ Կարծում եմ՝ դա, ամենայն հավանականությամբ, Դոնալդ Թրամփի զիջումն է զինվորականներին։ Հիշո՞ւմ եք՝ ինչպես նրանք փախան Աֆղանստանից՝ կառչելով ինքնաթիռների վայրէջքի շասսիից, ընկնելով թռիչքուղու վրա։ Խայտառակություն է։ Դե, նրանք պետք է ցույց տային, որ ինչ-որ բանի ընդունակ են»,- հայտարարել է Բելառուսի առաջնորդը։
«Կարևորն այն է, որ նրանք բռնել են նախագահին։ Նրանք ասացին կնոջը. «Կարող ես մնալ, քո դեմ որևէ պահանջ չունենք»։ Նա ասաց. «Ոչ, ես նրա հետ եմ»։ Ես ճանաչում եմ Ֆլորեսին, նա շատ քաջ կին է։ «Ես իմ սիրեցյալի հետ եմ», ասել էր նա։ Նրան բերեցին Ամերիկա և մեղադրեցին թմրանյութերի ապօրինի շրջանառության մեջ»,- ասել է Լուկաշենկոն։
«Ահա ձե այն արդարադատության մասին, որը նրանք մեզ ամբողջ կյանքում սովորեցրել են։ Կշտացա՞ք։ Նրանց մոտ երբեք ճշմարտություն կամ արդարադատություն չի եղել, չկա և չի լինի»,- հավելել է Բելառուսի նախագահը։
