«Զենիթի» գլխավոր մարզիչ Լուչիանո Սպալետին երկարաձգել է պայմանագիրը պետերբուրգյան ակումբի հետ, հաղորդում է «Զենիթի» պաշտոնական կայքը։

Նոր համաձայնագիրը նախատեսված է մինչեւ 2015 թվականը։

Նոր պայմանագրի համաձայն, թիմին մարզելուց բացի, Սպալետին զբաղվելու է նաեւ տրանսֆերային քաղաքականությամբ։ 

Հիշեցնենք, որ իտալացի մարզիչը 2009 թվականից է գլխավորում «Զենիթը»։ Նրա գլխավորությամբ Սանկտ Պետերբուրգի ակումբը դարձել է Ռուսաստանի չեմպիոն, գավաթակիր եւ սուպերգավաթակիր։

Այս մրցաշրջանում «Զենիթը» պատմության մեջ առաջին անգամ Չեմպիոնների լիգայի փլեյ-օֆֆի ուղեգիր ձեռք բերեց։

2011թ. Սպալետին Ռուսաստանի ֆուտբոլային միության կողմից ճանաչվել է ռուսական Պրեմյեր լիգայի լավագույն մարզիչ։