Նախընտրելի
Ես շատ ուրախ եմ Ադրբեջան այցելելու համար, Ադրբեջան կատարած այցից հետո օդանավակայանում լրագրողներին ասել է ԱՄՆ փոխնախագահ Ջեյմս Դեյվիդ Վենսը։
Նա նշել է, որ Ալիևի հետ քննարկել է մի շարք կարևոր հարցեր։
Վենսն ընդգծել է, որ ԱՄՆ նախագահ Դոնալդ Թրամփի առաջնորդության շնորհիվ Հարավային Կովկասում խաղաղությունն ու առևտրի զարգացումը կփոխարինեն պատերազմին։
ԱՄՆ փոխնախագահն իր այցն Ադրբեջան հիանալի է անվանել և շնորհակալություն է հայտնել Ալիևին դրա համար։
Ալիևին անվանելով ազդեցիկ համաշխարհային առաջնորդ՝ Վենսն ընդգծել է, որ պետության ղեկավարի հետ քննարկել են տարածաշրջանային և համաշխարհային, ինչպես նաև ահաբեկչության դեմ պայքարի հարցեր։
«Այսպիսով, դա հիանալի այց էր»,- հավելել է Վենսը։
