Միգրանտների ավելի քան մեկ երրորդը հոկտեմբերից մինչև դեկտեմբերի վերջ առաջին փորձից չի հանձնել ռուսաց լեզվի քննությունը. РИА Новости-ին հայտնել է ՌԴ կրթության և գիտության նախարարության մամուլի ծառայությունը։
«Ըստ ՌԴ կրթության և գիտության նախարարության մոնիթորինգի, 2025 թվականի չորրորդ եռամսյակում աշխատանքի թույլտվություն կամ արտոնագիր ստանալուն համապատասխանող մակարդակի ռուսաց լեզվի (որպես օտար լեզու), Ռուսաստանի պատմության և ռուսաստանյան օրենսդրության հիմունքների քննություն է հանձնել 201 675 մարդ։ Նրանցից դրական գնահատականով քննությունը հանձնել է 87,9%-ը։
Ընդ որում, առաջին փորձից քննությունը չի հանձնել 35,5%-ը»,- ասված է հայտարարության մեջ։
Ատեստավորումն անցկացվում է երեք մակարդակով՝ Ռուսաստանի տարածքում աշխատանքային արտոնագրի ստացում, ժամանակավոր կացության թույլտվություն և կացության կարգավիճակ։
Յուրաքանչյուր քննություն ունի երեք փուլ։ Առաջինը ներառում է միայն ռուսաց լեզվի թեստավորումը։ Երկրորդն ու երրորդը ներառում են Ռուսաստանի պատմության և օրենսդրության հիմունքների գիտելիքների ստուգումը։
«Ժամանակավոր կացության թույլտվություն ստանալուն համապատասխանող մակարդակի քննություն երրորդ եռամսյակում հանձնել է 1223 մարդ։ Նրանցից դրական գնահատականով քննությունը հանձնել է 70,6%-ը։ Առաջին փորձից քննությունը չի հանձնել 39,5%-ը։ Կացության կարգավիճակ ստանալուն համապատասխանող մակարդակի քննություն երրորդ եռամսյակում հանձնել է 11 723 մարդ։ Նրանցից դրական գնահատականով քննությունը հանձնել է 82,3%-ը։ Առաջին փորձից քննությունը չի հանձնել 29,6%-ը»,- նշել է գերատեսչությունը։
Նախարարությունը հավելել է, որ քննություն հանձնելու հնարավորություն է ստեղծվել դաշնության բոլոր սուբյեկտների 203 կետերում, ինչպես նաև Տաջիկստանում և Ուզբեկստանում։ Դրանց թվում են ռուսաստանյան 88 համալսարաններ, այդ թվում՝ Կրթության և գիտության նախարարությանը ենթակա 82-ը։
Նախընտրելի
