Իսպանական «Աթլետիկո Մադրիդ» ֆուտբոլային ակումբի խաղացողներն այցելել են Վատիկան եւ ընդունելության արժանացել Հռոմի Պապ Բենեդիկտոս 16-րդ-ի կողմից։

Թուրքական Milliyet-ի փոխանցմամբ՝ Հռոմի Պապի հետ հանդիպմանը մասնակցել է նաեւ Թուրքիայի ազգային հավաքականի եւ «Աթլետիկո Մադրիդ»-ի խաղացող Արդա Թուրանը։  Հանդիպումից հետո թուրք ֆուտբոլիստը նշել է, թե ինքը մահմեդական է, սակայն չի ցանկացել առանձնանալ խաղընկերներից եւ հանդիպել է Հռոմի Պապի հետ։

Թուրանը նշել է, որ Հռոմի Պապն իրեն եւ իր ընկերներին վարդարան է նվիրել՝ շեշտելով, որ Վենետիկ կատարած այցն իր համար շատ հետաքրքիր է անցել։