Սանկտ Պետերբուրգի օդանավակայանում կիրառված սահմանափակումների պատճառով ավելի քան 100 չվերթ է հետաձգվել և չեղարկվել:

Ըստ SHOT-ի, այս պահին «Պուլկովո» օդանավակայանում հետաձգվում է 44 չվերթի մեկնումը և 29 ինքնաթիռի ժամանումը: Եվս 30 չվերթ չեղարկվել է:

Երևանի «Զվարթնոց» միջազգային օդանավակայանի չվացուցակի համաձայն, հետաձգվել է Երևանից Սանկտ Պետերբուրգ մեկնող 2 չվերթ և հայկական մայրաքաղաք ժամանող ևս մեկը:

Հետաձգվողների թվում են նաև Դուշանբեից, Մոսկվայից, Ուֆայից ժամանող, ինչպես նաև դեպի Մինսկ, Մախաչկալա, Սամարա, Գելենջիկ, Տյումեն և այլ քաղաքներ մեկնող ինքնաթիռները: Դեպի Ուֆա չվերթի մեկնումը հետաձգվում է գրեթե 10 ժամով:

Գիշերվա ընթացքում ՌԴ Լենինգրադի մարզի երկնքում ընդհանուր առմամբ ուկրաինական 36 անօդաչու թռչող սարք է ոչնչացվել: Այժմ «Պուլկովո» օդանավակայանում սահմանափակումները հանվել են: