Անօրինական ու վտանգավոր հոբիով՝ կախերթևեկմամբ (զացեպինգով) զբաղվող դեռահասը շաբաթ երեկոյան զոհվել է Մոսկվայի հյուսիս-արևելքում. հայտնում է Московский комсомолец-ը։

Ինչպես հայտնի է դարձել լրատվամիջոցին, դեպքը տեղի է ունեցել Լենինգրադյան ուղղության «Օստանկինո» կայարանի տարածքում։ Մահացածի ինքնությունը պարզվում է։

Пуля տելեգրամյան ալիքի տվյալներով, զոհված դեռահասն ընդամենը 14 տարեկան էր։

«Տղան ՄԿԴ-3-ով (Մոսկվայի կենտրոնական տրամագծերի երրորդ գիծ) երթևեկել է Ivolga գնացքով և դիպել հոսանքաընդունիչին։ 14-ամյա դպրոցականը տեղում մահացել է»,- գրում է ալիքը։