նախընտրելի դարձնել
Հայաստանում նվազագույն աշխատավարձը պետք է հավասարեցվի նվազագույն սպառողական զամբյուղին, և պետք է իրականացվի ինդեքսավորում։ Այս մասին «Հայաստան» դաշինքի նախընտրական ծրագրի սոցիալ-տնտեսական բաժնի ներկայացման ժամանակ հայտարարել է պատգամավոր Արծվիկ Մինասյանը։
Նրա խոսքով՝ հիմնական կենսաթոշակը պետք է բարձրանա առնվազն 50 տոկոսով և ինդեքսավորվի։ Միայնակ տարեցների, ծայրահեղ աղքատների և բազմազավակ ընտանիքների համար ձմռան ամիսներին կվճարվեն գազի և էլեկտրաէներգիայի ծախսերը, կվերանայվի էլեկտրաէներգիայի սակագինը, կնվազեցվի գույքահարկը և կչեղարկվի համատարած հայտարարագրումը։
Միաժամանակ անհրաժեշտ է երկրի զարգացման գործում ներգրավել Սփյուռքը։ Հաշվի առնելով, որ հայության համախառն կապիտալը գնահատվում է 400 միլիարդ դոլար, այդ միջոցների նույնիսկ 5 տոկոսը կարող է ապահովել Հայաստանի զարգացումը։
«Իշխանությունները հավաստիացնում են, թե առողջապահության ապահովագրության հիմնադրամը լուծել է բոլոր խնդիրները։ Դա սուտ է։ Անհրաժեշտ է կայուն համակարգ, որը ոչ թե խնդիրներ կստեղծի, այլ կլուծի դրանք, մինչդեռ ներկայիս տեսքով խնդիրներ են ստեղծվել թե՛ բժիշկների, թե՛ պացիենտների համար։ Համընդհանուր ապահովագրություն լինելու է, բայց այն գործելու է անթերի ձևով», - շարունակել է Մինասյանը։
Պատգամավորի խոսքով՝ կընդունվի «աճող ընտանիքի» մոդելը, որտեղ 3-րդ երեխայից սկսած եկամտահարկը կնվազի 3 տոկոսով։ Բազմազավակ ընտանիքներին և արցախցիներին կցուցաբերվի բնակարանային օգնություն։ Միևնույն ժամանակ, կարգելվեն պաշտոնյաների բարեգործական հիմնադրամների տեսքով գործող «ընտանեկան կապալները»։
Մինասյանը հատուկ ուշադրություն է դարձրել «տուգանման թիրախ» դարձած
Մինասյանն ընդգծել է, որ 1998-2008 թվականներին ոչ միայն կատարվել է խոստացվածը, այլև արվել է ավելին։ «Մենք հնչեցնում ենք նվազագույն խոստումներ, բայց կանենք ավելին և կանենք դա միասին», - հայտարարել է Մինասյանը։
