նախընտրելի դարձնելՀայաստանի կառավարությունը պատրաստվում է հավանություն տալ Հորդանանի Հաշիմյան Թագավորության կառավարության հետ զբոսաշրջության բնագավառում համագործակցության մասին համաձայնագրի կնքմանը : Հարցը, ՀՀ էկոնոմիկայի նախարարության ներկայացմամբ, ներառված է կառավարության փետրվարի 23-ի նիստի օրակարգում:
Համաձայնագրի կնքմամբ հնարավոր կլինի ստեղծել պայմաններ, որոնք կնպաստեն երկու երկրների միջեւ զբոսաշրջային փոխայցելությունների ընթացակարգերի դյուրինացմանը:
Համաձայնագրի շրջանակներում կողմերը միմյանց կօժանդակեն զբոսաշրջության բնագավառի կադրերի պատրաստման եւ վերապատրաստման հարցում, կխրախուսեն երկու երկրների զբոսաշրջային օպերատորների եւ լրագրողների փոխադարձ ճանաչողական այցերը:
Նշենք, որ Հայաստանն ու Հորդանանը մտադիր են համագործակցել նաեւ ատոմային էներգետիկայի ոլորտում:
