Բանակցությունների մեկնարկից առաջ ես ընդգծել եմ, որ մենք կամք ունենք, բայց նախորդ երկու պատերազմների փորձի պատճառով չենք վստահում հակառակ կողմին։ Իրանական պատվիրակության իմ գործընկերները հեռանկարային նախաձեռնություններ են առաջ քաշել, սակայն հակառակ կողմին ի վերջո չհաջողվեց շահել իրանական պատվիրակության վստահությունը բանակցությունների այս փուլում։

Այս մասին սոցցանցերում գրել է Իրանի խորհրդարանի խոսնակ, ԱՄՆ-ի հետ բանակցություններում իրանական պատվիրակության ղեկավար Մոհամադ Բաղեր Ղալիբաֆը։

«Ամերիկան հասկացել է մեր տրամաբանությունն ու սկզբունքները, և հիմա նա պետք է որոշի՝ կկարողանա՞ արդյոք արժանանալ մեր վստահությանը, թե՞ ոչ։

Մենք դիվանագիտությունը, ռազմական ուժին զուգահեռ, համարում ենք իրանցի ազգի իրավունքների պաշտպանության գործիք։ Չենք դադարեցնի մեր ջանքերը՝ ամրապնդելու Իրանի քառասնօրյա պաշտպանության ձեռքբերումները»,- նշել է նա։