նախընտրելի դարձնել
Էմանուել Մակրոնը եւ Գերմանիայի կանցլեր Ֆրիդրիխ Մերցը պայմանավորվել են շարունակել Future Combat Air System (FCAS) նախագծի՝ եվրոպական նոր սերնդի կործանիչի մշակումը։
Reuters-ի տվյալներով՝ որոշումը հաստատվել է Կիպրոսում, որտեղ տեղի է ունենում ԵՄ ոչ պաշտոնական գագաթաժողովը, առաջնորդների միջեւ բանակցություններից հետո։
Մակրոնը հայտարարել է, որ նախագիծը փակված չէ, եւ կողմերը հանձնարարել են երկու երկրների պաշտպանության նախարարություններին շարունակել աշխատանքները մի շարք ոլորտներում, այդ թվում՝ ոչ միայն կործանիչի, այլեւ ռազմական համագործակցության այլ տարրերի վրա։
Գերմանիայի կառավարության ներկայացուցիչը հաստատել է, որ պաշտպանության նախարարությունները կշարունակեն համակարգել հաջորդ քայլերը, եւ նախագծի վրա աշխատանքները, ինչպես սպասվում է, կավարտվեն առաջիկա շաբաթներին։
Ավելի վաղ հաղորդվել էր, որ անհամաձայնություններ են եղել ֆրանսիական Dassault Aviation-ի եւ եվրոպական Airbus Defence and Space կոնցեռնի միջեւ, որոնք ներգրավված են FCAS-ի մշակման գործում, ինչը հանգեցրել է նախագծի ձեւաչափի հնարավոր հետաձգումների կամ վերանայումների քննարկումների։
