նախընտրելի դարձնել
Ամերիկայի Միացյալ Նահանգներում բենզինի գինը մեկ օրվա ընթացքում թռիչքաձև աճել է՝ մեկ գալոնի համար հասնելով 4,18 դոլարի (մոտ 1,1 դոլար՝ մեկ լիտրի դիմաց)։ Դա ռեկորդային ցուցանիշ է 2022 թվականի օգոստոսից ի վեր։ Այս մասին են վկայում Ամերիկյան ավտոմոբիլային ասոցիացիայի տվյալները։
Ինչպես հայտնում է CNN հեռուստաալիքը, գինը մեկ օրում բարձրացել է մոտ 6 ցենտով, ինչը վերջին հինգ շաբաթվա ընթացքում ամենախոշոր մեկօրյա աճն է։ Նշվում է, որ նավթային ֆյուչերսների գների բարձրացումը վկայում է այն մասին, որ ամերիկացիների համար բենզինը կշարունակի թանկանալ։ Ամենաբարձր գինը գրանցվել է Կալիֆորնիա նահանգում, որտեղ մեկ գալոն բենզինի արժեքը հասել է 5,96 դոլարի։
CNN-ը հիշեցնում է, որ ապրիլի սկզբին Իրանի հետ հակամարտությունում զինադադարի մասին հայտարարությունից հետո ԱՄՆ-ում բենզինի գները նվազել են երկու շաբաթ շարունակ, սակայն բանակցությունների փակուղի մտնելու ֆոնին վառելիքը կրկին սկսել է թանկանալ։ Ամերիկյան Lipow Oil Associates խորհրդատվական ընկերության կանխատեսման համաձայն՝ երկրում բենզինի միջին գինը առաջիկա մեկ շաբաթվա կամ 10 օրվա ընթացքում կարող է բարձրանալ մինչև 4,30 դոլար (մեկ գալոնի դիմաց)։
