ԱՄՆ-ում իննամյա աղջնակին տանջամահ են արել  այն բանի համար, որ նա  շոկոլադ է կերել` թեեւ բժիշկներն արգելել էին նրան կոֆեին օգտագործել: 

Երբ նրա խորթ մայր Ջեսիկա Մեյ Հարդինն իմացել է արգելքի խախտման մասին, նա որոշել է պատժել խորթ աղջկան` ստիպելով նրան վազել տան բակում:

Աղջկա համար մահացու դարձած վազքն սկսվել է մոտավորապես փետրվարի 17-ի կեսօրին: Տեղական ժամանակով մոտ 18:45-ին խորթ մայրը դիմել է փրկարար ծառայություն, հայտնելով, որ Սավաննայի մոտ «նոպա է» սկսվել, եւ նա ոչ մի բանի չի արձագանքում: 

Աղջկան հասցրել են Բիրմինգհեմի մանկական հիվանդանոց, որտեղ բժիշկները  նրա կյանքը կարողացել են ձգել մինչեւ հոր գալը:

ԱՄՆ-ի պետդեպարտամենտի աշխատակից Ռոբերտ Հարդինն ստիպված է եղել ութ թռիչք իրականացնել մեռնող դստեր կողքին գտնվելու համար: Նրա հետ համաձայնեցնելով` բժիշկներն անջատել են աղջկան կենդանի պահող սարքերը, եւ շուտով երեխան մահացել է:  Դիահերձման տվյալներից փորձագետները եզրակացրել են, որ  աղջիկը մահից առաջ տանջվել է ուժեղ ջրազրկումից:

Խորթ մայրը եւ նրա 46-ամյա սկեսուր Ջոյս Հարդին Հարարդը ձերբակալվել են նախորդ չորեքշաբթի:  Գրավի դիմաց բանտից ազատվելու համար կանանցից ամեն մեկը պետք է վճարի 500 հազար դոլար, հայտնում է «ՌԻԱ Նովոստին»:

Ձերբակալությունից անմիջապես հետո Ջեսիկա Մեյ Հարդինի մոտ, որը գտնվում էր ուշ ծննդաբերության փուլում, ցավեր են սկսվել:

Կինը տեղափոխվել է հիվանդանոց, որտեղ էլ ծնվել է նրա երկրորդ երեխան Ռոբերթ Հարդինից: