նախընտրելի դարձնելԱՄՆ մայրաքաղաք Վաշինգթոնի հայ համայնքը ցույց է կազմակերպել, որպեսզի հարգի Սումգայիթում եւ Բաքվում ադրբեջանական ագրեսիայի զոհերի հիշատակը:
Կոլումբիայի շրջանում ցույցի կազմակերպիչը հայ երիտասարդական «Անի» ֆեդերացիան էր, ինչպես նաեւ հայկական Սուրբ Մարիամ եկեղեցու երիտասարդական կազմակերպությունը:
«Մենք հավաքվել ենք Ադրբեջանի դեսպանատան մոտ` հարգելու Սումգայիթի եւ Բաքվի զոհերի հիշատակը, ինչպես նաեւ դատապարտելու Ալիեւի վարչակարգի կողմից հնչեցվող սպառնալիքները` ուղղված Հայաստանի եւ Արցախի դեմ»,- ասել է «Անի» կազմակերպության նախագահ Թեւին Փոլատյանը:
Նա նաեւ նշել է, որ այս շաբաթ ադրբեջանցի դիպուկահարի կողմից եւս մեկ հայ զինվոր է սպանվել: Նման գործողությունները, ըստ նրա, արդյունք են այն բանի, որ միջազգային հանրությունը չտեսնելու է տալիս Ադրբեջանի ռազմական հզորությունների աճը:
Ակցիայի մասնակիցները մոմեր են վառել եւ ցուցադրել սոսկալի ողբերգությանը զոհ դարձածների լուսանկարներ` դեսպանատան մոտ հիշատակի վայր սարքելով:
