Ամերիկյան դոլարի փոխարժեքը շարունակում է նվազել հայկական դրամի նկատմամբ: «ՆԱՍԴԱՔՕԷՄԷՔՍ Արմենիա» բորսայում այսօր` հուլիսի 26-ին, դոլարի միջին փոխարժեքը կազմել է 407 դրամ: Երեկվա համեմատ դոլարն էժանացել է 0.19%-ով կամ 0.79 կետով: Ընդ որում` առեւտրային նստաշրջանի վերջում դոլարն ավելի էժան է առաջարկվել:
Ընդհանուր առմամբ` բորսայում այսօր վաճառվել է 3.75 մլն դոլար:
Կանխիկ արտարժույթի շուկայում դոլար կարելի է գնել նույնիսկ 407.5 դրամով, իսկ փոխանակման կետերի առքի փոխարժեքն իջել է մինչեւ 404 կամ 405 դրամ:
Forex միջազգային շուկայում եվրոյի փոխարժեքը դոլարի նկատմամբ տատանվում է 1.22 դոլարի սահմաններում: Ռուսաստանի միջբանկային շուկայում դոլարը արժեզրկվել է ռուբլու նկատմամբ` 1 դոլարն արժե 32.6224 ռուբլի:
