Հայաստանի նախագահ Սերժ Սարգսյանն Ամանորը, սովորականի պես, կդիմավորի տանը՝ ընտանիքի եւ մտերիմների շրջապատում: Այս մասին հայտարարել է անձամբ երկրի նախագահը, պատասխանելով NEWS.am-ի հարցին, թե ինչպես է անցկացնելու Ամանորի տոները՝ հաշվի առնելով եկող տարվա սկզբին կայանալիք նախագահական ընտրությունները:
«Նորմալ, սովորականի պես, ընտանիքի անդամներով շրջապատված»,-ասել է Սերժ Սարգսյանը:
Նշենք, որ այսօր՝ դեկտեմբերի 25-ին, Հայաստանի նախագահը հանդիպել է լրատվամիջոցների ներկայացուցիչների հետ՝ ավանդական տարեմուտի ընդունելության ժամանակ:
Հայաստանում նախագահական ընտրությունները տեղի են ունենալու 2013-ի փետրվարի 18-ին: Սերժ Սարգսյանն նախագահի ընտրություններում առաջադրվում է երկրորդ անգամ: