2013թ հունվարի 1-7 Երեւանի ծննդատներում ծնվել է 368 երեխա: Այս մասին NEWS.am-ի թղթակցին հայտնեցին Առողջապահության նախարարության լրատվական ծառայությունից:
Նրանցից 272-ը հենց երեւանաբնակների երեխաներն են: Դրանից բացի` Երեւանի տարածքում գտնվող մի շարք ծննդատներում ծննդաբերել են այլ մարզերից եկած կանայք: Օրինակ, այս առումով ամենաբարձր ցուցանիշը արձանագրվել է Արմավիրի դեպքում, այս մարզի ծնունդներից 24-ը գրանցվել է Երեւանում: Արարատի դեպքում այդ ցուցանիշը 18 էր, Կոտայքում` 17: Հունվարի 1-7 մարզերից Երեւան գալու եւ ծննդաբերելու առումով ամենափոքր ցուցանիշները արձանագրվել են Շիրակի եւ Վայոց ձորի մարզերի դեպքում` 3-ական ծնունդ, 5-ական` Սյունիք եւ Տավուշ, իսկ 4 նորածին` Լոռիից: