Իրականացվող աշխատանքի հանդեպ հետաքրքրվածությունն օգնում է հաջողության հասնել եւ չհոգնել: Նման եզրահանգման են եկել 153 ուսանողի մասնակցությամբ հետազոտություն իրականացրած ամերիկյան գիտնականները:
Հետազոտության մասնակիցներին ստիպել են մի շարք մտավոր խնդիրներ եւ ֆիզիկական վարժություններ իրականացնել` հենվելով նրանց առաջնահերթությունները վերհանող հարցաշարի արդյունքների վրա, հաղորդում է Gazeta.ru-ն:
Այն պարագայում, երբ խնդիրը համապատասխանել է առաջնահերթությանը, մասնակիցն իրականացրել է այն` մյուսներից քիչ հոգնելով, ինչն էլ թույլ է տվել գիտնականներին հիշյալ ենթադրությունը անել: