Մարդու ուղեղը լեզուներ սովորելու բացառիկ բազա է պարունակում: Նման եզրահանգում են կատարել բրիտանացի գիտնականները: Խոսքն այն մասին է, որ մարդու ուղեղը նախապես հարմարեցված է հաճախական վանկերի ընկալմանը: Միեւնույն ժամանակ մարդիկ միատեսակ չեն ընկալում հազվադեպ կիրառվող վանկերը, հաղորդում է Gazeta.ru-ն:
Գիտնականները այս եզրահանգումը կատարել են ուսումնասիրությունների միջոցով, որոնց մասնակից են դարձել մանուկ հասակից տարբեր լեզուներով խոսող տարբեր տարիքի մարդիկ:
Հետեւելով նրանց եւ տարբեր բառերին եւ բառակապակցություններին նրանց ուղեղի արձագանքին ` ուսումնասիրողները եզրակացրել են, որ մարդու ուղեղը նախապես տրամադրված է լեզուների ընկալմանը: