Քաջարանում ամուսինները թունավորվել էին շմոլ գազից, ինչի պատճառով էլ ամուսինը մահացել էր, կինը՝ վիրավորվել: Այս մասին NEWS.am-ի թղթակցի հետ զրույցում ասաց Քաջարանի քաղաքապետ Վարդան Գեւորգյանը:
Ամուսինը 37-ամյա Կարապետյանն է, կինը՝ 38-ամյա Անժելա Հարությունյանը, նրանք ունեն մի տղա՝ 12 տարեկան, ով դեպքի ժամանակ տանը չի եղել:
Քաղաքապետն ասաց, որ կնոջը տեղափոխել են Երեւան: Ըստ տեղեկությունների՝ նրանք թունավորվել են, պատճառը՝ գազի արտահոսքն է: Կինը աշխատում է դպրոցում, ամուսինն էլ՝ կոմբինատում:
Ավելի վաղ NEWS.am-ը հայտնել էր, որ Հայաստանի ԱԻՆ-ում հոկտեմբերի 19-ին, ժամը 19.31-ին տեղեկություն է ստացվել, որ Սյունիքի մարզի Քաջարան քաղաքի Աբովյան փողոցի թիվ 11 շենքի բնակարաններից մեկի բնակիչները չեն արձագանքում դռան թակոցներին եւ հեռախոսազանգերին. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր ժամանած հրշեջ-փրկարարները բացել են բնակարանի դուռը. լոգարանի հատակին հայտնաբերվել է 37-ամյա Ա. Կ.-ի դին: 36-ամյա Ա. Հ.-ն հոսպիտալացվել է Քաջարանի ԲԿ: