Հնարավոր է, որ Գյումրիում Ավետիսյանների ընտանիքի սպանության մեջ կասկածվողը մեղավոր է նաեւ մեկ այլ հանցագործության կատարման մեջ: Այս մասին NEWS.am-ի թղթակցին հայտնեց իրավապահ մարմիններին մոտ կանգնած աղբյուրը:
Ռուսական 102-րդ ռազմաբազայի զինծառայող Վալերի Պերմյակովը Հայաստանի եւ Ռուսաստանի իրավապահ մարմինների կողմից մեղադրվում է ծանր հանցագործություն կատարելու մեջ: Այսպես, ռուսական կողմը նրա նկատմամբ քրեական գործ է հարուցել՝ դասալքության եւ սպանության փաստի առիթով: Հայաստանի քննչական կոմիտեն քրեական գործ հարուցել է, սակայն առայժմ հայտնի է միայն մեկ հոդվածի՝ սպանության մասին:
Ռուս սահմանապահների կողմից հայ-թուրքական սահմանին ձերբակալված զինվորին տարել են ռազմաբազա, որտեղ էլ նա մինչ օրս պահվում է:
Հայաստանի գլխավոր դատախազ Գեւորգ Կոստանյանի պարզաբանմամբ, Պերմյակովի կողմից ենթադրաբար կատարված հանցագործությունների շարքից մեկն իրականացվել է ռուսական բազայում, այսինքն՝ ՌԴ տարածքում, ինչը ենթադրում է, որ քննությունը վարելու է ռուսական կողմը: Հետագա հանցագործությունները եւ Ավետիսյանների ընտանիքի գնդակահարությունն իրաանացվել է Հայաստանի տարածքում, որոնց քննությամբ զբաղվում է հայկական կողմը:
Անունը բացահայտել չցանկացած աղբյուրի փոխանցմամբ, հնարավոր է, որ զորամասից դասալքությանը նախորդել է մեկ այլ հանցագործություն՝ սպանություն, որի հետ կապված ռուսական իրավապահները գործ են հարուցել: Չի բացառվում, որ հենց դա էլ դարձել է ռազմաբազայից փախուստն ու հետագա ողբերգությունը:
Հունվարի 12-ի վաղ առավոտյան սեփական տանը գնդակահարվեց Ավետիսյանների ընտանիքի 6 անդամ: Զոհերի թվում է նաեւ 2-ամյա աղջնակ: Իսկ վիրավորված 6 ամսական Սերյոժան հիվանդանոցում է: Հետաքննության՝ ռուսական կողմի անցկացման մասին որոշումը բուռն վրդովմունք առաջացրեց հասարակության շրջանում: