Նրանց, ովքեր դավաճանում են իրենց երկրորդ կեսին, ամենից շատ են հաջողում քաղաքական կարիերայում: Հոգեբան Լյուսի Ռեդֆորդի կարծիքով, դավաճանողները կարծում են, որ իրենց անհնար է հասկանալ: Եթե անգամ դա տեղի է ունենում, նրանք ջրից չոր դուրս գալու հույս են ունենում: Նույնն է նաեւ քաղաքական գործիչների պարագայում:
Հետազոտողներն ուսումնասիրել են իրենց զուգընկերներին դավաճանած 1.000 հոգու տվյալները: Նրանցից 235-ը քաղաքական գործիչ են եղել: Նրանք պետական գերատեսչությունների ղեկավարներ, խորհրդարանի անդամներ, տեղական պատգամավորներ եւ պետական բարձրաստիճան պաշտոնյաներ են եղել: Ըստ Meddaily.ru-ի, մյուս մասնագիտությունների տեր անձանց շրջանում միջինը 110 դավաճաններ են եղել:
Ամուսնացած մարդկանց ծանոթությունների կայքից Քլեր Փեյջն ասում է, որ կայքի ծառայություններից հաճախ օգտվում են քաղաքական գործիչները: Դա զարմանալի չէ, քանի որ ամուսնությունները հաճախ հաշվարկի արդյունք են լինում, օրինակ, ԱՄՆ նախկին նախագահ Բիլ Քլինթոնի եւ նրա կնոջ՝ Հիլարիի պարագայում:
Իրենց դավաճանությամբ հայտնի են Բիլ Քլինթոնը, Մեծ Բրիտանիայի նախկին վարչապետ Ջոն Փրեսքոթը եւ բրիտանացի լեյբորիստ-պատգամավոր Դեւիդ Բլանքեթը:
