Չարբախում հնչած կրակոցների հետեւանքով վիրավորված Վարդան Կարապետյանի առողջական վիճակը կայուն է:Այս մասին NEWS.am-ի թղթակցի հետ զրույցում ասաց «Էրեբունի» բժշկական կենտրոնի Վերակենդանացման բաժանմունքի ղեկավար Արմեն Մուրադյանը:
Նա նշեց, որ մի քիչ առաջ են անջատել արհեստական շնչառության ապարատը: Առայժմ հայտնի չէ՝ երբ հիվանդին կտեղափոխեն պալատ:
Նշենք, որ aysor.am-ի տեղեկություններով՝ մարտի 31-ի գիշերը Չարբախում կրակոցներ են հնչել, որի ժամանակ վիրավորվել է Երրորդմասցի Լյովիկի ընկեր ոմն Վարդանը: NEWS.am-ի թղթակցին ոստիկանությունից փոխանցել են, որ մարտի 31-ին ժ.02.45-ին «Սուրբ Աստվածամայր» բժշկական կենտրոնից հաղորդում է ստացվել, որ «որովայնի շրջանի հրազենային վնասվածք» բուժօգնության է տեղափոխվել 36-ամյա Վարդան Կարապետյանը: Պարզել են, որ Վարդան Կարապետյանը հիվանդանոց է տեղափոխվել իրենց տան մոտից: Կատարվում է քննություն: