Լիմասոլում հունիսի 7-ին կայանալու է բարձրակրունկ կոշիկներով ավանդական վազքարշավը: Մրցույթին մասնակցել ցանկացողները պետք է նախապես էլեկտրոնային փոստով կապ հաստատեն կազմակերպիչների հետ:
Կարելի է մրցել անհատական կամ 3 հոգանոց թիմով: Մրցույթի մասնակիցները պետք է բարձրակրունկ կոշիկներով հաղթահարեն 50 մետր տարածությունը: Մասնակցել կարող են 18 տարեկանից բարձր աղջիկները, առնվազն 7 սմ-անոց կրունկով կոշիկներով: Երեք ամենաարագ աղջիկները մրցանակներ կստանան:
Ըստ Travel-ի, բարձրակրունկ կոշիկներով վազքարշավն առաջին անգամ անցկացվել է 1986 թվականին, Վաշինգտոնում: Այդ ժամանակ մրցույթին մասնակցել է կանացի հագուստ հագած տղամարդիկ:
Ավելի ուշ մրցույթը սկսել են անցկացնել նաեւ Եվրոպայում, իսկ Կիպրոսում այն կայանալու է արդեն չորրորդ անգամ, Ռուս-կիպրական փառատոնի շրջանակում: Ամեն տարի մրցույթին մեծ թվով մարդիկ են հետեւում:
