Գյումրիում Ռուսական Դաշնության սահմանապահ ուղեկալի N զորամասում աշխատող պայմանագրային զինծառայող, անհետացած 26-ամյա Արթուր Աֆյանի գտնվելու վայրի մասին առայժմ տեղեկություն չկա, սակայն խուճապի մատնվել պետք չէ, նա հավանաբար ընկերների հետ, ինչ-որ տեղ է գնացել։ Այս մասին NEWS.am-ի հետ զրույցում ասաց, ոստիկանության Գյումրիի Մուշի բաժնի պետ ՝ Հրաչ Սահակյանը:
Արթուր Աֆյանը ռուսական սահմանապահ զորքերի պայմանագրային զինծառայող է եւ մեկ օր առաջ նրա ազատ օրն է եղել, իսկ հաջորդ օրը աշխատանքի չի ներկայացել:
«Նրա աշխատանքի չգնալու պատճառով, ընկերները անհանգստացել են, զանգել են կնոջը, կինը եկել է տուն, պարզել, որ ամուսինը տանը չէ, հեռախոսն էլ անջատված է, հիմա որոնողական աշխատանքները շարունակվում են, սակայն ասեմ, որ նրա աշխատանքի հետ կապված որեւէ խնդիր չկա, հնարավոր է քաղաքում է, ինչ-որ ընկերների հետ է, հիմա այդ ամենը ճշտում ենք»,-ասաց Հրաչ Սահակյանը:
Արթուր Աֆյանը ծնունդով Իջեւանից է, Գյումրիի ընտանիքով բնակվում է վարձով:
Ավելի վաղ NEWS.am-ը հայտնել էր, որ փետրվարի 21-ին Գյումրիի ռուսական ռազմաբազայի զինծառայող է անհետացել:Կնոջ խոսքով, ինքը ամուսնու մասին տեղեկություն չունի փետրվարի 21-ի առավոտից: Ծառայակիցներից մեկը, որը խնդրեց չհրապարակել իր անունը, NEWS.am-ի թղթակցին պատմել է, որ Արթուրը պետք է գնար կնոջ մոտ՝ Մարմաշեն գյուղի նրա հայրական տուն: Առավոտյան Արթուրը ծառայության չի ներկայացել, ծառայակիցները անհանգստացել են, զանգել կնոջը, որը նույնպես ասել է, որ տեղեկություն չունի եւ դիմել է ոստիկանություն: