«Դատապարտյալների հիվանդանոց» ՔԿՀ-ում գտնվող «Կիկեռ» մականվամբ կալանավոր Հրաչյա Գևորգյանի հայտարարության վերաբերյալ հանգամանքները պարզելուց հետո մեկնաբանություն կլինի: Այս մասին NEWS.am-ի թղթակցին հայտնեցին ՔԿՎ Հանրային կապերի բաժնից:
Հրաչյա Գեւորգյանն այժմ գտնվում է «Դատապարտյալների հիվանդանոցում» եւ բուժում է ստանում:
Նշենք, որ «Փաստինֆոն գրել էր, որ «Դատապարտյալների հիվանդանոց» ՔԿՀ-ում գտնվող «Կիկեռ» մականվամբ կալանավոր Հրաչյա Գևորգյանը երեկ իր պաշտպանի հետ հանդիպման ժամանակ տեղեկացրել է, որ իր կյանքին վտանգ է սպառնում և որ իրեն փորձել են թունավորել ՔԿՀ-ում:
Նախկինում 5 անգամ դատապարտված Հրաչյա Գևորգյանը ներկայումս մեղադրվում է ՀՀ քրեական օրենսգրքի 4 հոդվածներով՝ 218-րդ հոդվածի 2-րդ մասի 1,3,4,7-րդ կետերով, 34-139-րդ հոդվածի 1-ին մասով, 316 և 182-րդ հոդվածների 1-ին մասերով:
Դատական գործը քննվում է 2012թ. մարտից: