նախընտրելի դարձնելԼոռու մարզի Դսեղ գյուղում փետրվարի 1-ին երեկոյան բանակի քեֆի ժամանակ ծեծկռտուք է սկսվել, որի ընթացքում կրակոցներ են հնչել եւ մեկ հոգի վիրավորվել է: Վանաձորում NEWS.am-ի թղթակիցը հաղորդում է, որ ոտքի հրազենային վնասվածքով 43-ամյա տղամարդը Դսեղ գյուղի պոլիկլինկա է հոսպիտալացվել, որից հետո նրան տեղափոխել են Վանաձորի բժշկական կենտրոն: Հրազենային վնասվածք ստացածը ծնունդով Դսեղ գյուղից է, սակայն բնակվում է Վանաձորում:
Դեպքի վայր ժամանած իրավապահները պարզել են, որ կրակոցը հնչել է որսորդական հրացանից:
Մեր տեղեկություններով, արդեն կա կասկածյալ, նա եւս Դսեղ գյուղից է՝ բանակի քեֆի մասնակից:
Ձերբակալվածներ դեռեւս չկան:
Դեպքի առթիվ հարուցվել է քրեական գործ՝ ՔՕ 112-րդ հոդվածի 1 մասով եւ 235-րդ հոդվածի 1-ին մասով:
