Երեւանի Խորենացի փողոցում, որտեղ նախօրեին զինված ծումբը գրավել էր ոստիկանության ՊՊԾ գունդը, այս պահին լարված իրավիճակ է:
Ոստիկանները քիչ առաջ բերման ենթարկեցին 3 երիտասարդ աղջիկների, որոնք պաստառների վրա ինչ-որ բան էին գրում: Պարզվում է, որ նրանցից երկուսը «Հիմնադիր խորհրդարանի» անդամ Կարո Եղնուկյանի դուստրերն են:
Բերման են ենթարկել նաեւ «Հիմնադիր խորհրդարանի» անդամ, բարձակվողների խմբում գտնվող Վարուժան Ավետիսյանը կնոջն ու դստերը:
Ոստիկանության լրատվական ծառայությունից հաստատեցին, որ կան բերման ենթարկվածներ, հաղորդագրություն կտարածեն ավելի ուշ:
Հիշեցնենք, որ հուլիսի 17-ի առավոտյան մի խումբ զինված անձինք Էրեբունիում գրոհով վերցրել են ՊՊԾ գունդը եւ պատանդ են վերցրել ոստիկանության սահմանափակ թվով ծառայողների: Մեկ ոստիկան՝ նույն գնդի փոխհրամանատար Արթուր Վանոյանը զոհվել է: Վիրավորվել են եւս չորս ոստիկաններ՝ ոստիկանության գնդապետ Արամ Հովհաննիսյանը, փոխգնդապետ Հրաչ Խոստեղյանը, ոստիկանության ենթասպա Գագիկ Մկրտչյանը, օպերատոր Ռոբերտ Հայրապետյանը, նաեւ ՊՊԾ գնի գրոհին մասնակցած անձանցից մեկը։
