Բրիտանական հետախուզական գործակալությունը հույս ունի, որ դեռահաս աղջիկները, որոնք շատ ժամանակ են ծախսում համացանցում եւ սոցիալական ցանցերում կարող են դառնալ ապագայի գործակալները, հաղորդում է BBC–ն։
Բրիտանիայի Կառավարական կապի կենտրոնը (GCHQ), որը զբաղվում է ռադիոէլեկտրոնային հետախուզությամբ եւ ապահովում կառավարության եւ բանակի տեղեկատվության անվտանգությունը, այժմ հայտարարել է նոր մրցույց՝ կիբերանվտանգության ոլորտ դեռահասներին ընդգրկելու նպատակով։ 13–ից 15 տարեկան աղջկները մասնակցելու են տրամաբանության եւ կոդավորման, ցանցերի ստեղծման եւ ծածկագիտության թեսթերին։ Ներկայում աշխարհում կիբերանվտանգության ծառայությունների աշխատակիցների 10–ը տոկոսն է կին, նշում են հետախուզության ներկայացուցիչները։