Պանամայում ձերբակալել են Mossack Fonseca-ի հիմնադիրներ Յուրգեն Մոսակին եւ Ռամոն Ֆոնսեկային, որոնց ընկերությունը հայտնվել է «պանամական արխիվի» օֆշորային սկանդալի կենտրոնում: Այս մասին գրում է «Ինտերֆաքս»-ը:
Իշխանությունները գործընկերներին մեղադրում են օֆշորային հաշիվներ բացելու համար, որոնց միջոցով բրազիլական Odebrecht շինարարական ընկերությունը որպես կաշառք դրամական միջոցներ է փոխանցել տարբեր երկրների բարձրաստիճան պաշտոնյաներին:
Mossack Fonseca-ը նաեւ, այսպես կոչված, Lava Jato կոռուպցիոն սկանդալի մասնակից է, որտեղ նույնպես ներգրավված է Odebrecht-ը:
Ռամոն Ֆոնսեկան Պանամայի նախագահին մեղադրել է Odebrecht-ից կաշառք ստանալու մեջ: Նախագահ Խուան Կառլոս Վարելան պաշտոնապես հերքել է մեղադրանքները:
